ဖော်ဝေးငှက်တို့ရဲ့ အိပ်တန်းတက်ချိန် အိမ်အပြန်အလွမ်းသီးချင်း
ငါတို့ဘဝတွေဟာ အနာဂါတ်တွေမညီညာဘူး
မနက်ဖြန်ဆိုတာတောင် မသေချာဘူး
ဒီကနေ့ဟာ အသေအချာဆုံးနေ့တွေပါပဲ ...။
ရွှေမစီချယ်တဲ့ဘဝအတွက်
ငွေရဖို့ရည်ရွယ်ချက်တွေပိုက်လျက်
အချိန်မစဲ အလုပ်ထဲမှာ
သဲသဲမဲမဲ ချွေးသံတွေရွှဲရတယ် ...။
ရွှေပြည်တော်အတွင်းမှ ဖူးပွင့်သစ်စ
နေမခသေးတဲ့ မညိုးပန်းအလှလေးတွေ ...
အရင်းတကာအရင်းအမြစ်တွေထဲက
လူ့သားအရင်းအမြစ်တွေ ...
အခုတော့ ...
ပွေရတက်မအေးတဲ့ ဘဝအတွက်နဲ့
တစ်နယ်စီကိုပြေးလို့ အဖော်ဝေးကွာနေတဲ့
နားခိုရာမဲ့ ငှက်လေးတွေလို
မိသားစုအသိုင်းအဝန်းမှ ကျောခိုင်းရင်းအဝေးလွင့်ခဲ့ရရှာပြီပေါ့ ...။
အဆင်ပြေသူကပြေ ကံခေသူကခေ
တေပေလေလွင့်သူလွင့်ခဲ့ရ။
သြော် ...
ငါတို့ဘဝ
သူတကာပြုသမျှ ခုတော့နုကြရပြီပေါ့။
သည်လိုနဲ့ ...
ဖြစ်သမျှခံ ပြုသမျှစံလို့
ဘဝတစ်ခုစီကို အရင်းတစ်ခုစီပြုခဲ့ရတယ်။
တစ်ခါတစ်လေမှာတော့ ...
ဘဝပေးပေါ့လို့ အထင်မှတ်ယူကာ
မွန်းကြပ်မှုဘဝထဲ အသာအယာလှဲစင်းလို့
ဘဝကိုအရှုံးပေးရင်း ကျောခင်းမပစ်လိုက်ပါနဲ့ ...။
နေမထိရေမထိ
ငွေပုံမပိသေးတဲ့ ငါတို့ဘဝတွေဟာ ...
ပန်းတွေလိုမလန်းသေးလည်း
မျှော်လင့်ချက်တွေ ရင်ထဲရှိနေသရွေ့
ဖော်ဝေးငှက်တို့ရဲ့ အိပ်တန်းတက်ချိန်
အိမ်အပြန်အလွမ်းသီးချင်းတွေဟာ
မွှေး၍သင်းပျံ့မြဲ သင်းလျက်သာနေဆဲပါ ...။
စံလင်းထွန်း
copy image location here
3 comments:
အိမ်ပြန်သီချင်းလေးတွေ ဆိုရင် အိမ်မပြန်နိုင်သေးတာ ...
cbox လဲမတွေ့တော့ဘူး၊ အလိုလိုပြုတ်ကျလာတဲ့ကဗျာလေးတွေ ကောက်ကြည့်တယ်၊ ကဗျာလေးတွေတကယ်ကောင်းပါတယ်၊ ဖတ်ကြည့်တယ်၊ စာတွေတော်တော်ရေးနိုင်တာပဲ cheers!
စံလင်းရေ......
ဒီကဗျာလေးကို ခံစားမိတယ်........။
ဒီလိုပါပဲဗျာ.....။
အစစ အဆင်ပြေပါစေလို့ ဆန္ဒပြုပေးနေတယ်လေ.....း))
ခင်မင်တဲ့
ဏီလင်းညို
Post a Comment