Sunday, December 27, 2009

အိမ်မက်ကမ်း



လူငယ်တစ်ယောက်ရဲ့ ရင်ထဲမှာ ဖြစ်ပေါ်နေသော စည်းချက်မှန် ရစ်သံခတ်သံများကို လူတို့သိနိုင်ကြမည်လား..။ သိပ်မဆန်းကြယ်တဲ့ လူ့သဘာဝအဖြစ်အပျက်တွေအကြား လူတွေထဲက ပေါက်ဖွားလာတဲ့ လူတစ်ယောက်အကြောင် လူတွေသိလည်းမသိပါ။ စိတ်လည်း မဝင်စားနိုင်အား။ ကိုယ့်အရှုပ်ကို ကိုယ်ပြန်ဖြေနေကြတဲ့ လူတွေရဲ့လောကမှာ သူတစ်ပါးအရှုပ်ထုပ်ကို စိတ်ဝင်စားဖို့ဆိုတာ ခက်ခဲတဲ့ပုဒ်စာတစ်လိုဖြစ်နေလေရဲ့။

ထိုထိုသော ...လူ့လောက အရှုပ်အထွေးဇာတ်ခုံကြားထဲတွင် ဘာမှမဟုတ်၊ ဘာမှမထူးခြားတဲ့ လူငယ်တစ်ယောက်ဟာ အနုပညာဆိုတဲ့ မိုးကောင်းကင်ကြီးထဲမှာ စံမတင်ချင်နေပါစေ..လင်းလက်တဲ့အတွေးအခေါ်တွေနဲ့ ထွန်းလင်းပေးနိုင်မယ့် ကြယ်လေးတစ်ပွင့်ပဲ ဖြစ်ပါရစေလို့.ဘုရားသခင်ထံ အကြိမ်ကြိမ်ဆုတောင်းနေတယ်...။ သူ့ဆုတောင်းတွေ တစ်နေ့နေ့ တစ်ချိန်ချိန်မှာ ပြည့်ဝ အထမြောက်အောင်မြင်လာမယ်လို့လည်း ယုံကြည်နေခဲ့တယ်..။ ဆုတောင်းထဲကအတိုင်း ဖြစ်လာမယ့်အချိန်ကာလတွေကို စိတ်ကူးတွေနဲ့ အကြိမ်ကြိမ်ရွက်လွှင့်ပြီး ပျော်ရွှင်နေမိတယ်....။

ဒါပေမယ့်..လူငယ်ရဲ့စိတ်ကူးယဉ်အိမ်မက် မျှော်လင့်ချက်တိမ်တိုက်တွေ တစ်စစီပြိုကွဲလောက်အောင် ကံကြကမ္မာဂြိုလ်ဆိုး အဖျက်ပိုးမုန်တိုင်းနဲ့ တဲ့တဲ့တိုးခဲ့တယ်။ တက်မပါတဲ့ ရွက်လှေတစ်စီးဟာ ဦးတည်ရာမဲ့ရင်း ပင်လယ်ထဲမှာ နှစ်ကာလတွေရှည်ကြာအောင် မျောချင်တိုင်းမျော လွင့်ချင်တိုင်းလွင့်သွားတယ်။

အဲဒီလို မျောလွင့်နေရင်း အိမ်မက်တွေ မက်ခဲ့တာ (၁၀)နှစ်ကျော်ကြာသွားတယ်။ (၁၀)နှစ်တာကာလအတွင်းက အိမ်မက်တွေထဲမှာ မိုင်ထောင်ချီနေတဲ့ ရည်မှန်းချက်ပိုင်းတိုင်မရောက်မှီအစပ်ကြားက ဘဝနိဒါန်း ရောင်စုံပန်းပင်တွေကို တစ်ခုချင်းစီ အစပျိုးထောင်ခဲ့ရတယ်။ ဘဝရောင်စုံပန်းတွေ ဖူးပွင့်လာဖို့အတွက် အချိန်ဆိုတဲ့ မြေသြဇာတွေကို အသုံးချပြီး စိုက်ပျိုးခဲ့တာ အချိန်တွေရင့်သန်ကြီးထွားလာတာနဲ့အမျှ ဘဝရောင်စုံပန်းပင်လေးတွေကလည်း တဖြည်းဖြည်းရှင်သန်ရင်း အရွယ်ရောက်လာတယ်။ တစ်ချို့ပန်းပင်တွေက ထိုးထိုးထောင်ထောင်နဲ့ သန်မာနေသလောက် တစ်ချို့ပန်းပင်တွေကျတော့ အောင်မြင်ဖြစ်ထွန်းမှု မရှိပြန်ဘူး။

အဲဒီအထဲမှာ ပညာရေးဆိုတဲ့ ပန်းပင်လည်းပါတယ်။ တိုးတက်ရေးလည်းပါတယ်။ အောင်မြင်ရေး၊ ကြီးပွားရေးဆိုတဲ့ ပန်းပင်လည်းပါတယ်။ ပျော်ရွှင်ရေးလည်းပါတယ်။ မိသားစုအရေးလည်းပါတယ်။ စိတ်ကူးယဉ်တဲ့ ပန်းပင်တွေလည်းပါတယ်။ ဝါသနာတွေလည်းပါတယ်။ ခံယူချက်တွေလည်းပါတယ်။ စတဲ့စတဲ့ ရည်မှန်းချက်ဘက်ပေါင်းစုံတွေပေါ့။

အဲဒီ့ပန်းတွေကလည်း အားလုံးမှာ ညိုးတဲ့ပန်းကညိုးလို့ လန်းတဲ့ပန်းကလန်းလို့ပေါ့။ တစ်ချို့ပန်းတွေကြတော့ လောင်းရိပ်မိနေရှာလို့ ပင်စည်တောင်ခြောက်ကပ်နေတယ်။ အဲဒီထဲမှာက ထူးထူးခြားခြားဖြစ်တည်နေတဲ့ ပန်းပင်လေးတစ်ပင်ရှိတယ်။ ဝါသနာပင် အုပ်စုထဲက အနုပညာဆိုတဲ့ အပင်တစ်ပင်ဟာ တခြား အပင်တွေနဲ့ မတူဘဲ အထက်မိုးကောင်းကင်ကြီးကို တစ်ဖြောင့်တည်း ထိုးထောင်တက်နေတာ သူ့ရဲ့ကြံ့ခိုင်မှု၊ သန်မာမှု၊ ဇွဲ၊ စိတ်ဓါတ်တို့က အထင်းသားပေါ်လွင်နေလေရဲ့။ လောကကြီးက ပေးစွမ်းတဲ့ သဘာဝအရင်းအမြစ် ဓါတ်ပေါင်းစုံကို အသင့်ခံယူနေမယ့်အနေအထားနဲ့ နေရေင်ခြည်အလင်းရှိရာကို အဆက်မပြတ် ဦးလှည့်နေတဲ့ ပန်းပင်လေးဟာ တစ်နေ့မှာ အဖူးအငုံဘဝကနေ အစပျိုး ပန်းလေးတစ်ပွင့် ဖျတ်ကနဲပွင့်လာတယ်။ ပန်းတစ်ပွင့် အစပျိုးထွက်ပေါ်လာတာဟာ အနုပညာဆိုတဲ့ ပန်းပေါင်းစုံတွေပွင့်ဖို့အတွက် ပထမဦးဆုံး နိဒါန်းပါ။

အဲဒီအချိန်မှာ လူငယ်ဟာ ဆယ်စုနှစ်ကြာရှည်အောင် အိမ်မက်တွေထဲမှာ မျောလွင့်နေရင်းက လန့်နိုးသွားပြီး သတိပြန်ဝင်လာတယ်။ အသိစိတ်ထဲမှာလည်း သူဘယ်ကိုရောက်နေတယ်ဆိုတာ သိလိုက်ရတယ်။ ပါတ်ဝန်းကျင်ကို ကြည့်လိုက်တော့ သူ့လိုပဲ သူသူကိုယ်ကိုယ် ပင်လယ်ထဲမှာ ရွက်လွင့်သွားလာနေကြတဲ့ လှေငယ်လေးတွေကိုတွေ့ရတယ်။ ဒါပေမယ့် ဦးတည်ချက်ချင်းတွေ မတူညီကြဘူး။ တစ်ချို့ကတောင်၊ တချို့ကမြောက်၊ အရှေ့အနောက်တောင်မြောက်စတဲ့ အရပ်ရှစ်မျက်နှာအသီးသီးမှာ ဦးတည်ချက်တွေရှိနေတယ်ဆိုတာ သူသိတယ်။ တချို့က ဦးတည်ချက်မရှိဘဲ ခလယ်ခေါင်မှာတင် ရပ်နေကြတယ်။

လူငယ်က သူဘယ်ကိုသွားရမယ်ဆိုတာ အလိုလိုသိသွားတယ်။ သိသိချင်းမှာပဲ သူလက်ရှိ်နေတဲ့ အရပ်ကနေ ရွက်ကို ဦးတည်ရာပြောင်းလွှင့်လိုက်တယ်။ သူ့ရင်ထဲမှာလည်း အမျိုးအမည်မသိတဲ့ ခံစားချက်တွေ ဖြစ်ပေါ်လာလို့ ကဗျာတစ်ပုဒ်ကို ရုတ်တရက် ဖွဲ့ဆိုလိုက်ပြီး ရေရွတ်နေသေးတယ်။ ဟိုးအဝေးမှာတော့ မှုန်ပျပျနဲ့ ကမ်းတစ်ခုက လူငယ်ကို အသင့်စောင့်ကြိုနေသယောင်...။


အိမ်မက်ကမ်း

ရိုးရိုးလေးနဲ့ဆန်း
အမျိုးမျိုးလည်း ခနဲ့စမ်း
အကောင်းအဆိုးရောပြွမ်း
မုန်းတိုင်းထန်ထန် လှိုင်းလေမာန်ပါ
အိမ်မက်ဆန်ဆန် ကုသိုလ်ကံရယ်
သိပ်မဆန်းကြယ်ဘူး လောကဓံရေ...
ကမ္ဘာကျော်ခြေလှမ်းတွေနဲ့
အဲ့ဒီ ကမ်းခြေကို...
ငါ...အရောက်လှမ်းလာနေပြီ ...။
စိတ်မှန်းတွေနဲ့ အဲဒီ့ကမ်းခြေကို
ငါ...အရောက်လှမ်းလာနေပြီ...။
ကြိုးစားပါဦးမည်...
စံလင်းထွန်း


(လောကအလှ အွန်လိုင်း မဂ္ဂဇင်းတွင်ဖော်ပြပြီး)

photo copy from google image.

3 comments:

ညလင်းအိမ် said...

အဲဒီလို အပေါ်ကစာတွေရေးပြီး အောက်မှာ
ကဗျာလေးတွေထည့်တဲ့ အိုင်ဒီယာ ကျွန်တော်အရမ်းကြိုက်တာဗျ...

အိပ်မက်ကမ်းတဲ့လား
စိတ်မှန်းနေသမျှတော့
မျှော်လင့်ခြေလှမ်းလည်း
ကျော်ဖြတ်ရွှင်လန်းနိုင်မှာပါ...

~ဏီလင်းညို~ said...

ညီလေးစံလင်းရေ....
ခံစားမှုအတွေးအာရုံတွေထဲက ဖြစ်တည်လာတဲ့အရာတွေကို အနုပညာအဖြစ်ပီပြင်စွာ ပုံဖော်နိုင်ပါစေနော်...။
ဝါသနာအရင်းခံကြောင့် ဖန်တီးဖြစ်ခဲ့တဲ့ အနုပညာလေးတွေကို တစ်ချိန်မှာကိုယ်တိုင်ပြန်လှည့်ကြည့်မိတဲ့အခါ..ကျေနပ်နေနိုင်ပါစေဗျာ...။
ဆက်လျှောက်ပါ...။ အားပေးနေပါတယ်...။
ခင်မင်တတ်တဲ့
ဏီလင်းညို

မြတ်မွန် said...

ဦးတည်ချက်ကို သိသွားပြီဆိုရင် ပျော်စရာကောင်းတာပေါ့။
ဦးတည်ချက် အတိုင်းတာ တည့်တည့်မတ်မတ် သွားပါလေ။
အားပေးလျှက်ပါ ကိုစံလင်းရေ။