ဂဘောက်တိဂဘောက်ချာ ကျွန်တော့်စာ (၂)

ဒီနှစ်သင်္ကြန်ကတော့ တစ်မြေခြားနေပေမယ့် ရောက်ရာဘဝရဲ့ ပြဌာန်းချက်ဆိုတာကြီးထဲမှာ ပျော်ရွှင်စွာပါဝင်ဆင်နွှဲဖို့အသင့်ပါပဲ။ မလေးဘလောဂ့်ဂါတစ်ချို့ရဲ့ဆိုဒ်တွေမှာတော့ သင်္ကြန်လုပ်မယ့်ရက်နဲ့ နေရာ၊ ဘုန်းကြီးကျောင်းတွေ ကြိုတင်သတ်မှတ်ပြီး ကြော်ငြာပေးထားတာတွေ့ရတယ်။ စိတ်ဝင်စားမိတာ တခြားမဟုတ်။ ဘယ်နေရာမှာ ဘာဖျော်ဖြေပွဲတွေပါမယ်။ ဘယ်မြန်မာလူငယ်အဖွဲ့က ဖျော်ဖြေမယ်ဆိုတာတွေပါ။ အဓိက သတိထားကြည့်မိတာ ဂ်ီတအသိုင်းအဝိုင်းအကြောင်းပါပဲ။ ကျွန်တော်ကလည်း ကျွန်တော်ပါ။ ဂီတအကြောင်းကြားရင် မနေနိုင်မထိုင်နိုင်အောင်ဖြစ်ရတယ်။ သီချင်းသံကလေးက နားထဲမှာ လာမြူးမပြနဲ့ ခေါင်းမလှုပ်ရရင်တောင် ခြေထောက်က အိုတိုမက်တစ် စည်းချက်လိုက်မိပြီးသား။ တစ်ခါတစ်လေမှာဆိုရင် တစ်ယောက်တည်းတင် သီချင်းတွေနားထောင်ရင်း ဂီတာတစ်လက်နဲ့ အရူးအပေါဖြစ်နေတော့တာပဲ။ တော်တော်ရူးတာပဲလို့တချို့က ထင်မြင်ကြလိမ့်မယ်။ ဒါကလည်း သူတို့ဝါသနာနဲ့သူတို့ ရှိမှာပဲကိုး။ ကိုယ့်ဖီးသူ့ဖီးကတူတာမှမဟုတ်တာ။ ကဲကဲ ဒါလေးတွေ ခဏခေါက်ထား။

အခုရင်ထဲမှာ ဖြစ်ပေါ်နေတဲ့ အာသီသတွေက ဂီတအကြောင်း။ ဂီတအကြောင်းဆိုတာထက် ကျွန်တော့်ရဲ့ ဂီတအရူးရောဂါ။ အရင်ကတည်းက ကိုယ်တိုင်ဝင်နွှဲချင်ပေမယ့် အခွင့်အလမ်းမသာခဲ့လို့ လွဲခဲ့ရတဲ့ပွဲပေါင်းက မနဲလှတော့။ စိတ်ကူးနဲ့ တော်တော်ရူးတယ်လို့ တချို့ထင်မိကြမှာအမှန်ပဲ။ မဖြစ်နိုင်တာတွေ မင်းတွေးမနေစမ်းပါနဲ့ကွာ ...ကိုယ့်ဘဝကိုယ်နားလည်စမ်းပါလို့ သူငယ်ချင်းတချို့က ဝေဖန်ထောက်ပြခဲ့ကြတာတွေရှိသလို ကိုယ့်ကိုယ်ကိုလည်း ဖြစ်ချင်တာထက် ဖြစ်သင့်တာကိုပဲ အသည်းအသန်ဦးစားပေးရမယ့်ဘဝဆိုတော့ဗျာ...အင်း ...ဖြစ်ချင်တာလေးတွေ ရင်ထဲမှာ ဖြည်းဖြည်းလျှော့ချ ...ဆန္ဒတွေကို အသာအယာခဝါချုခဲ့ရတယ်။

တစ်ကယ်တမ်းကျတော့လည်း ကျွန်တော်က အနုပညာဆိုတာထက် အတီးအမှုတ်ကိုပဲ ဝါသနာပိုပါသူပါ။ သရုပ်ဆောင်အလုပ်ကတော့ ဒီတစ်သက် စိတ်မကူးဝံ့ပါဘူးဗျာ။ ပါရမီလည်းမရှိပါဘူး။ အဆိုတော်မဖြစ်နိုင်တဲ့ အသံကြောင့် အဆိုတော်ဆိုတာလည်း မမှန်းတော့ပါဘူး။ ကိုယ့်ဘက်က ငွေကြေးမတတ်နိုင်တာတွေလည်း ပါတာပေါ့။ ကိုယ့်ထက် အသံမကောင်းတဲ့သူတွေတောင် ဒီနေ့ခေတ်မှာ ငွေကြေးတတ်နိုင်ရင် စီးရီးတွေ တစ်ခွေပြီး တစ်ခွေ ထုတ်နေကြလေတော့ ပါရမီပိုင်းအရ၊ အရည်အချင်းပိုင်း၊ ဝါသနာပိုင်းအရ သူတို့ထက်သာလို့ အားမငယ်ပါဘူး။ လေ့ကျင့်ရင်တော့ ဖြစ်နိုင်ပေမယ့် ငွေရှိမှ အောင်မြင်ဖို့ အခွင့်အလမ်းပိုများတဲ့ ခေတ်ကြီးထဲ အဆိုတော်ဘဝကို စိတ်ကူးမယဉ်တော့ပါဘူး။ ဒါပေမယ့် ကျွန်တော့်အသံက အလယ်အလတ်အတန်းအစားထဲက ရှိနေမယ်လို့ယုံကြည်ပါတယ်။ ငယ်ငယ်တုန်းကတော့ အတီးအမှုတ်ကျွမ်းကျင်သူ(ဒါမှမဟုတ်) အဆိုတော်လုပ်ဖို့ စိတ်ကူးယဉ်ခဲ့ဖူးပေမယ့် တစ်ကယ်တမ်းကျတော့ လေတစ်လုံးမိုးတစ်လုံး အပြောကြီးလှလွန်းတယ်လို့ ကိုယ့်ကိုယ်ကိုမြင်မိပြန်တယ်။ မှန်းချက်နဲ့ နှမ်းထွက်မကိုက်ခဲ့ပါဘူး။ ကံကြမ္မာကလည်း မျက်နှာသာမပေးတဲ့အပြင် အခွင့်အရေးဆိုတာလည်း တစ်စက်ကလေးမှ ကိုယ့်ဘက်မှာ မရှိခဲ့လေတော့ ဝါသနာကို မြေတောင်မြှောက်မပေးခဲ့တဲ့ မိဘကို တစ်ချိန်က အပြစ်တော်တော်တင်မိခဲ့ဘူးပါတယ်။ ဒါပေမယ့် ကျွန်တော်နောင်တရခဲ့ပါပြီ။ ဆန္ဒနဲ့ဘဝ ဘယ်တော့မှ တစ်ထပ်တည်းမကျဘူးဆိုတာလေ။

ဂီတအသိုင်းအဝိုင်းမှာ ကျွန်တော့်ထက်ဂီတအရာမှာရော အတွေ့အကြုံ၊ ဗဟုသုတ၊ အခွင့်အလမ်းစတဲ့အရာမှာ ရော အားသာချက်ရှိတဲ့သူတွေ၊ လေးစားရတဲ့သူတွေက မနဲမနော (ကိုယ့်ပါတ်ဝန်းကျင်မှာရော)ရှိနေ၊ ကြုံတွေ့နေရလို့ပါပဲ။ ကိုယ့်အောက်ကို ပြန်ကြည့်မိတော့လည်း ကျားကုတ်ကျားခဲ တက်လှမ်းနေတဲ့ လူငယ်တွေကလည်း တစ်ပုံတစ်ပင်ကြီးဗျ။ ကျွန်တော်ကတော့ လမ်းတွေ အတော်ရှုပ်ထွေးသွားခဲ့တယ်။ ဒီ့နောက်ပိုင်း ကွန်ပျူတာလိုင်းဘက်ကိုလည်း မျက်စိလည်လမ်းမှားပြီး အတော်ကိုပဲ လေ့လာလိုက်စားမိခဲ့ပြန်တယ်။ ဒါပေမယ့် သေချာတာကတော့ ကျွန်တော်ဘာမှမဟုတ်သေးပါဘူး။ မဟုတ်သေးဘူးဆိုတာက လူ့လောကအတွက် အကျိုးပြုပေးနိုင်သူတစ်ယောက် မဖြစ်သေးဘူးလို့ပြောရင် ပိုတိကျမယ်။

ကျွန်တော်ဖတ်ဖူးတဲ့ အဘဆရာကြီး မင်းသိင်္ခရဲ့ ဖြစ်ချင်ရာဖြစ် မောင်ဘချစ်စာအုပ်ထဲက စာသားတချို့ကို ပြန်အမှတ်ရနေမိတယ်။ လောကကြီးမှာ အသက်မွေးဝမ်းကျောင်းအလုပ်ဆိုတာ အလွယ်တကူရှာမတွေ့နိုင်ဘူးတဲ့။ ကိုယ်က အလောတကြီးရှာဖွေပြီး လုပ်ကိုင်ပေမယ့်လည်း နည်းမမှန်ဘူးတဲ့။ အချိန်ယူပြီး လေ့လာစဉ်းစား ရွေးချယ်သင့်တယ်ဆိုတာပဲ။ နှစ်နဲ့ချီးပြီးတော့လည်း ကြာချင်ကြာသွားမှာပဲတဲ့လေ။ အဲဒီ့စကားဟာ ကျွန်တော့်အတွက်တော့ သွေးထွက်အောင်ကို ဒက်ထိမှန်လွန်းလှပါတယ်။ နှစ်တွေချီရုံဘယ်ကမလဲ ဆယ်စုနှစ်စာလောက်တောင်ရှိသွားပြီ။

ဘယ်သူမှမသိလိုက်ပေမယ့် ဟိုတလောက ကျွန်တော့်အဖြစ်က ကိုယ့်ကိုယ်ကိုယ် တုန်လှုပ်ခြောက်ခြားသွားစေတဲ့အထိပါပဲ။ ချက်ချင်းပဲ ကဗျာရေး၊ စာရေးတာတွေ လျှော့ချပစ်လိုက်ရတယ်။ ကံကောင်းလို့ ဆေးရုံမတက်ရတယ်။ ကဗျာတွေထဲမှာ ဖိဖိစီးစီး စိတ်ခံစားချက်တွေ အရမ်းနှစ်ထားပြီး ရေးနေခဲ့တာ ဟိုးဘက်ကိုလွန်သွားပါတယ်။ နည်းလမ်းမကျနသေးတဲ့အတွက် နှလုံးသားက အလိုလို နာကျင်လာတယ်။ တဖြည်းဖြည်း စူးစူးပြီးအောင့်အောင့်လာတယ်။ တစ်ရက်လည်းမဟုတ်၊ နှစ်ရက်လည်းမဟုတ်၊ ရက်ဆက်ဖြစ်လာတာ။ နောက်ဘယ်ဘက်ရင်ဘက်တစ်ခြမ်းလုံး ထူပူပြီးတော့ကို အောင့်လာတာ။ စူးနေတာ။ အဲလို နှစ်ပါတ်လောက်ဖြစ်နေတော့ ဆေးဆရာဝန်နဲ့ ပြကြည့်မှဆိုပြီး သွားပြရပါတော့တယ်။ ဆရာဝန်က သူမေးချင်တာလေးတွေ မေးပြီး ဘာမှစိတ်မပူနဲ့တဲ့။ စိတ်ကိုချုပ်တည်းမထားနဲ့၊ စိတ်ခံစားချက်ဖြစ်စေတာတွေကို မတွေးဖို့ မှာပြီး တစ်ပါတ်စာ သောက်ဆေးပေးလိုက်တယ်။ အဲသည့်သောက်ဆေးနဲ့ပဲ ကုယူခဲ့ရတယ်။

ကိုယ့်စိတ်ကကော ကဗျာရေး၊ စာရေးဘက်ကို အာရုံမစိုက်ဘဲ နေကြည့်ခဲ့ပါတယ်။ ပျော်စရာတွေရှာကြံနေလိုက်ချိန်မှာ သက်သာသွားတယ်။ နဲနဲအာရုံစိုက်မိတာနဲ့ ပြန်ပြန်အောင့်လာတယ်။ နာကျင်လာတယ်။ ဒါက တစ်ကယ့်ကို ကိုယ့်တွေ့မို့ ဒိမှာ ချရေးပြရခြင်းပါ။ ဝါသနာပါပြီး အလွန်အကျွံ့ကြိုးစားနေသူများ ကျွန်တော့်လိုပဲ အလွန်အကျွန်မလုပ်မိကြစေဖို့ ကိုယ့်တွေနဲ့ သင်ခန်းစာတွေ ပေးလိုက်ခြင်းပါ။ နောက်ပြီး ကျွန်တော်ပြောချင်တာကလည်း ကျွန်တော့်နှလုံးသားဟာ အဲလောက်အထိနက်ရှိုင်းစွာ ခံစားသွားတတ်ပြီလားဆိုတာ မဝေခွဲတတ်တော့တာပါပဲ။ လောလောဆယ်တော့ ကဗျာရေးတာတွေလည်း နားထားပါဦးမယ်။ အဲဒီ့ရောဂါကြောင့် ကျွန်တော်နဲ့ လိုက်ဖက်မယ့် သော့ချက်ကို ရှာတွေ့ထားပါပြီ။ တစ်ဖက်ကကြည့်ရင်တော့လည်း ဝမ်းသာစရာပဲပေါ့။ ဒါပေမယ့် ဝါသနာကို မစွန့်လွှတ်ရင် အသက်တိုဖို့ပဲရှိတော့တယ်လေ။ အခုအချိန်မှာ ကျွန်တော်နှလုံးသားက ရင်ကျက်မှုဘက်ကိုလည်း အစပျိုးစပြုနေပါပြီ။

အနုပညာနဲ့ပါတ်သတ်လို့ ပန်းတိမ်မတတ်ခင် ရွှေခိုးသင် ဆိုတဲ့စကားပုံတစ်ခုဟာ ကျွန်တော့်လိုလူစားမျိုးအတွက်ထားခဲ့တာများလား။ ကျွန်တော့်ရင်ထဲက အရှိအတိုင်းဆိုရင်တော့ ရွှေခိုးသင်ချင်တာမဟုတ်ပေမယ့် ဝါသနာအရ ဂီတတို့ ကဗျာစာပေတို့မှာ ရင်ခုန်ပြီးနေခဲ့ရတာမို့ ဘာပဲဖြစ်ဖြစ် ကိုယ်တတ်သလောက်တော့ အများရဲ့ရှေ့မှာ ရင်ထဲကအနုပညာတွေ ထုတ်ပြဖျော်ဖြေခွင့်ရချင်တာပါပဲ။ မကျွမ်းကျင်ပေမယ့် ဆရာကြီး ဒီဇိုင်းလိုက်ဖမ်းကြည့်ချင်တာလို့ဆိုရင်လည်းရပါတယ်။ ဆိုလိုတာက ကိုယ့်ကိုယ်ကိုယ်ပွဲထုတ်ကြည့်ချင်တာပါ။ ဒါပေမယ့် မဖြစ်နိုင်သေးဘူး။ ဒီလိုနဲ့ပဲ လွဲခဲ့ရတဲ့နေ့တွေကလည်းမနဲ။ သူများတကာ ကိုယ့်လိုရွယ်တူတွေ၊ နောက်ပြီး ဆရာတူသင်ခဲ့တဲ့သူတွေ စင်ပေါ်ရောက်သူရောက် တချို့ဆို အောင်မြင်ပြီး ခရီးပေါက်သူတွေပေါက်နေကြချိန် ကျွန်တော့်မှာတော့ ရည်မှန်းချက်တွေက ဟိုတစ်စဒီတစ်စ တိုးလို့တန်းလန်းတွေကလည်းမနဲ။ ပြီးအသက်က တစ်နှစ်ထက်တစ်နှစ်သာကြီးလာတယ်။ ဘာမှ မယ်မယ်ရရအောင်မြင်တာတစ်ခုမှမရှိခဲ့။ မွေးနေ့နားနီးခါမှ ညည ကိုယ့်နဖူးပေါ်လက်တင်ပြီး အသေအချာစဉ်းစားဆင်ခြင်မိတိုင်း သံဝေဂတရားတွေက ပိုပိုများလာတယ်။ ဒါနဲ့ပဲ အရည်မရအဖတ်မရ ဂဘောက်တိဂဘောက်ချာ ခံစားချက်တွေကို ပေါ့ပါးသွားလို့သွားငြား ပိုစ့်ရေးပြီ့း တင်လိုက်မိပါတယ်ဗျာ ...။

လောလောဆယ် ကျန်းမာရေးအခြေအနေကြောင့် အချိန်အကန့်အသတ်မရှိ ကဗျာရေးခြင်း၊ စာရေးခြင်းများ နားထားပါဦးမယ်ဗျာ ...။ ဝါသနာတူညီသော၊ ခံစားချက်ခြင်း နီးစပ်သော မောင်နှမများနဲ့ ရေစက်မကုန်သေးရင် တစ်နေ့နေ့တစ်ချိန်ချိန်တော့ ပြန်ဆုံကြဦးမှာပါလို့...။

ဖြူစင်သောမေတ္တာဖြင့်
စံလင်းထွန်း