Sunday, April 25, 2010

ဂဘောက်တိဂဘောက်ချာ ကျွန်တော့်စာ (၃)


လတ်တလော ပြောချင်တာတွေ၊ ရင်ထဲမှာ ပြွတ်သိပ်အောင်ခံစားနေရတာတွေက များလွန်းနေတော့ ရေးချင်တာတွေကလည်း များလာပါတယ်။ များပါတယ်ဆိုမှ အွန်လိုင်းပေါ်ကို မရောက်မဖြစ်တာကြာပြီး ဒီနေ့ပဲ အင်တာနက်ဆိုင်ကို လာထိုင်ဖြစ်တယ်။ ဖတ်လိုက်ရတဲ့သတင်းတွေနဲ့ ဘလောဂ့်စာမျက်နှာတွေပေါ်က သူသူကိုယ်ကိုယ်ခံစားချက်ကလေးတွေ၊ သူတို့ရဲ့စေတနာလေးတွေကို အတိုင်းသားတွေ့မြင်လိုက်ရတော့ ရင်ထဲမှာ ခံစားရလို့ ရေးချင်လာတဲ့စကားလုံးတွေက တဖြည်းဖြည်းပိုပြီး အုံကြွလာမိတယ်။ နောက်ပြီး ပြောချင်တာတွေ၊ ရေးပြချင်တာတွေကလည်း သောင်းပြောင်းထွေလာဖြစ်နေပြန်တယ်။ ဒါနဲ့ပဲ ထုံးစံအတိုင်း သုံးစွဲနေကျ ဂဘောက်တိဂဘောက်ချာဆိုတဲ့ ခေါင်းစဉ်ရဲ့နောက်မှာ အမှတ်စဉ်တွေတပ်ပြီး ပိုစ့်တစ်ပုဒ်အဖြစ် ရေးတင်လိုက်မိပါတယ်။


လောလောဆယ် ပြောချင်၊ ရေးပြချင်တဲ့ အကြောင်းအရာတွေကလည်း ဟိုတစ်တို့ ဒီတစ်တို့နဲ့ ဂဘောက်တိဂဘောက်ချာတွေပါပဲ။ အခုလိုမျိုး ဘလော့ဂ်ပေါ်မှာ ကိုယ့်အမြင်၊ ကိုယ့်အထင်၊ ကိုယ့်ဘဝင်တွေကို စိတ်တိုင်းကျဦးစားပေးပြီး လွတ်လွတ်လပ်လပ်ရေးနေခွင့်ရတာကိုပဲ အလိုလိုနှစ်ခြိုက်စွဲလန်းနေမိတယ်။ အဲသည့်လွတ်လပ်မှုဟာ ဘာနဲ့မှလဲယူလို့ မရနိုင်ပါဘူး။ လွတ်လပ်တယ်ဆိုပေမယ့်လည်း အကန့်အသတ်တော့ရှိရတာပေါ့လေ။ လွတ်လပ်တယ်ဆိုပြီး ရေးချင်တိုင်းလည်း ရေးလို့မရပါဘူး။ လူ့အဖွဲ့အစည်းထဲမှာနေထိုင်နေသရွေ့ လူ့အဖွဲ့အစည်းက ချမှတ်ထားတဲ့ စည်းကမ်းတွေ၊ ဘောင်တွေကလနားတွေ အကြား သွားတတ်၊ လာတတ်၊ နေတတ်၊ ထိုင်တတ်၊ ပြောဆိုတတ်ဖို့လည်း လိုတာပေါ့။ ဆိုလိုတာက ဘလောဂ့်မှာ လွတ်လွတ်လပ်လပ် စာရေးတင်လို့ရပေမယ့် ကိုယ်ကရေးချင်တာတွေ စွတ်ရေးပြီး ကိုယ်ရေးတဲ့စာဟာ ကိုယ့်အတွက်လည်း အကျိုးမရှိဘူး။ စာဖတ်သူအတွက်လည်း အကျိုးမပြုဘူးဆိုရင် အဓိပ္ပါယ်မရှိတဲ့လုပ်ရပ်ကို လုပ်နေသလိုမျိုးဖြစ်နေတယ်။ နောက်ပြီးအဲသည့်လိုစာမျိုးကို ရေရှည်ကျရင် ဘယ်သူမှ အချိန်ပေးပြီးလာဖတ်မှာလည်း မဟုတ်တော့ပါဘူး။ သူ့အတွက် ဘာတစ်ခုမှမရတဲ့အပြင် သူ့ဘက်ကတောင် အချိန်တွေ အလဟဿပေးလိုက်ရသလိုမျိုး ဖြစ်နေတာမို့ပါ။ လောကမှာသူဖို့ ကိုယ့်ဖို့၊ အများဖို့ဆိုတာလေးတွေတော့ ထားပေးရပါတယ်။ ကိုယ်ချည်းကောင်းဖို့အတွက် ဘို့တစ်ဘို့တည်းတင် ကြည့်လို့မရပါဘူး။ ကြည့်နေတဲ့သူတွေလည်းရှိတာပါပဲ။

ဘာပဲဖြစ်ဖြစ် လူ့အဖွဲ့အစည်းနဲ့တည်ဆောက်ထားတဲ့ ကမ္ဘာကြီးထဲက လွတ်လပ်စွာကွဲလွဲခွင့်နဲ့ ဖြစ်ပေါ်နေတဲ့ဘလော့ဂ်လောကမှာလည်း ဘလော့ဂ်စည်းကမ်းတွေရှိသင့်တယ်လို့ အောင့်မေ့မိပါတယ်။ စည်းကမ်းဆိုတာထက် ကိုယ်ရေးတဲ့စာဟာ အများအတွက် အသိတစ်ခုခု (သို့တည်းမဟုတ်) တစ်စုံတစ်ခုကောင်းကျိုးပြု သက်ရောက်သွားစေချင်တာပါပဲ။ ဆိုတော့ကာ... ကျွန်တော်ရေးချင်တာလေးတွေက ဟိုတစ်ပိုင်းဒီတစ်ပိုင်းနဲ့ ပြောလိုတဲ့အကြောင်းအရာ၊ ပေးချင်တဲ့အသိတစ်စုံတစ်ရာ ရောထွေးမှုလေးတွေ ရှိကောင်းရှိနေနိုင်တာမို့ စာဖတ်သူကို အဖြစ်အပျက် အကြောင်းအရာတစ်ခုဖြစ်ဖြစ် ချပြတဲ့အခါမှာ ဇာတ်လမ်းထဲကနေတစ်ဆင့် မက်ဆေ့ခ်ျတွေပေးတာမျိုး (ဥပမာ-ဝထ္ထုတိုတစ်ပုဒ်ရေးပြီးပေးတာ) နောက်ပြီး ကဗျာနဲ့ရေးပြောတာ၊ အက်ဆေးလိုလို ဖွဲ့ဖွဲ့နွဲ့နွဲ့စာတွေ အရှည်ကြီးရေးပြီး ပေးလိုက်တာမျိုးတွေ မလုပ်ချင်တော့ဘဲ တိုက်ရိုက်ပဲ ချရေးပြချင်လာတော့တယ်။

ဒီလိုရေးသားရခြင်း အကြောင်းအရင်းမှာလည်း မိမိကိုယ်ကိုယ်ယုံကြည်မှုနည်းလို့လည်းမဟုတ်ပါ။ ကျွန်တော်ဘလော့ဂ်ရေးနေစဉ်မှာ ကျွန်တော့်ဘလော့ဂ်ကို ဖတ်နေတဲ့ ဘလော့ဂ်မရေးတဲ့စာဖတ်သူတွေ အများကြီးရှိပါတယ်။ သူတို့က တစ်ခါတစ်လေပြန်ပြောတယ်။ နားမလည်တဲ့စာကြောင်းလေးတွေ၊ ဥပမာ ကဗျာလေးတွေထဲကဖြစ်ဖြစ်ပေ့ါ။ ဘာကိုဆိုလိုတာလဲ။ ဘာဖြစ်လို့လဲစသဖြင့် ပြန်ပြန်မေးတတ်ကြတယ်။ တချို့ဆို ဒီမှာပဲ အလုပ်အတူတူလုပ်နေကြတဲ့သူတွေပါ။ ဘလောဂ့်ရေးတဲ့သူအချင်းချင်းကတော့ စာရေးသူက ရေးသူတစ်ယောက်ရဲ့ စာကိုပြန်ဖတ်ရတာမို့ အတွေးအမြင်ပိုင်းဆိုင်ရာမှာ ကိုယ်ပေးချင်တာကိုလည်း သူ့ဘက်က နားလည်မှုနဲ့ ရအောင်ယူသွားတတ်ကြတယ်။ ဘလော့ဂ်ဂါ တစ်ယောက်အတွက်တော့ ဘလော့ဂ်ဂါ တစ်ယောက်ရဲ့ စာကိုဖတ်ရတာ အခက်အခဲသိပ်မရှိဘူးပေါ့ဗျာ။

အခက်အခဲဖြစ်နေတာက စာဖတ်သူတွေချည်းသက်သက်အပိုင်း။ သူတို့ကျတော့ အမျိုးမျိုးရှိတတ်ကြတယ်။ တချို့က မြင့်လွန်းသွားတဲ့ စာတွေကို မလိုက်နိုင်ကြဘူး။ တချို့က နိမ့်လွန်းရင်လည်း ရိုးတယ်ဆိုပြီး ငြီးငွေ့သွားတတ်ကြသေးတယ်။ တချို့ကျတော့လည်း နဝေတိမ်တောင်တွေ ဖြစ်သွားတတ်ကြတော့ ရေးရတဲ့သူကလည်း ပရော်ဖက်ရှင်နယ်အရေးသမားတစ်ယောက် မဟုတ်ပြန်ဆိုတော့ သူတို့အတွက် အဆင်ပြေအောင် လိုက်ညှိပေးဖို့မလွယ်ပါဘူး။ ဒါပေမယ့် အတွေးရှင်း၊ အရေးရှင်းဖို့ဆိုတာကိုတော့ ခေါင်းထဲမှာ အမြဲတမ်းထည့်ထားပြီး ရေးပါတယ်။ ဒါကိုဖတ်တဲ့သူက နားမလည်ဘဲဖြစ်သွားရင်တော့ ကိုယ့်အားနည်းချက်ကြောင့် ပဲပေါ့။ စားများများရေး၊ စာများများဖတ်ရုံပဲရှိတာပါပဲ။ ဒါပေမယ့် စာတစ်ပုဒ်လုံးထဲက တစ်ကြောင်းပဲရရ၊ နှစ်ကြောင်းပဲရရ သူ့အတွက်ကျန်နိုင်သမျှ ကျန်အောင်တော့ ထိုးထည့်ပေးရမှာ ကိုယ့်တာဝန်ပါ။

သာမန်အားဖြင့် ဝထ္ထုတို၊ အက်ဆေး၊ ဆောင်းပါးစသဖြင့် ရသစာပေများကို အလေးထားရေးသားတာဟာ အချိန်အလုံအလောက်ပေးနိုင်၊ ရေးနိုင်၊ တွေးနိုင်သူတွေအတွက် သင့်တော်ပါတယ်။ ဖတ်တဲ့သူကလည်း အချိန်ပေးနိုင်ဦးမှဖြစ်မှာကိုး။ ကျွန်တော်လေ့လာသုံးသပ်ကြည့်မိသလောက် အင်တာနက်ဆိုတာ ပြည်ပရောက်မြန်မာတွေအများစုပဲ သုံးစွဲနိုင်ကြတာများပါတယ်။ ပြည်တွင်းမှာ ရန်ကုန်၊ မန္တလေးလို မြို့ကြီးတွေကလွဲလို့ နယ်ဘက်တွေ ဖွံ့ဖြိုးမှု အလွန်အားနည်းပါသေးတယ်။ ရန်ကုန်လိုနေရာမှာတောင် အင်တာနက်ဆိုတာ လူတိုင်းမသုံးတတ်ကြသေးပါဘူး။ သုံးတဲ့သူအများစုဟာလည်း ချက်တင်ထဲမှာ အက်ရှင်တွေလုပ်ရင်း အချိန်ကုန်နေကြတာများပါတယ်။ ဒီအကြောင်းတော့ အင်တာနက်နှင့် ဘလော့ဂ်အကြောင်း တစ်စေ့တစ်စောင်း ဆိုပြီး ပိုစ့်တစ်ပုဒ်ရေးတင်ခဲ့ဖူးပါတယ်။ တချို့ဆိုရင် ဟာသလိုနောက်ပြောင်ပြီး ပြောစမှတ်ပြုလာကြတာတွေပင်ရှိပါတယ်။ အင်တာနက် လင်ရှာဘက်တဲ့။ တစ်ဖက်ကကြည့်ရင်လည်းဟုတ်ပါတယ်။ ဒါပေမယ့် လူတိုင်းတော့ မဟုတ်နိုင်ပါဘူး။ အင်တာနက်မှာထိုင်ပြီး တစ်ကယ့်ကို အသိပညာ၊ အတတ်ပညာတွေကို လေ့လာလိုက်စားနေတဲ့ လူငယ်လူရွယ်တွေလည်း အများအပြားကျန်ရှိပါသေးတယ်။ ခေတ်ကာလအခြေအနေအရ စွဲဆောင်မှုအားကောင်းတဲ့အပျော်တမ်းတွေနဲ့ ချက်တင်ဆိုတာတွေရဲ့လွှမ်းမိုမှုအောက်မှာဆိုတော့ တစ်ကယ်လေ့လာလိုက်စားသူက ရှားတော့ရှားလာပါတယ်။

အွန်လိုင်းဆိုတာ စာမဖတ်တတ်တဲ့သူ တစ်ယောက်မှမပါဘူး။ ပျှမ်းမျှအားဖြင့် အင်တာနက်သုံးစွဲသူ မြန်မာလူမျိုးတစ်ယောက်ဟာ အနည်းဆုံး မြန်မာစာလောက်ကိုတော့ ဖတ်တတ်ပါတယ်။ ချွင်းချက်အနေနဲ့ တိုင်းရင်းသားလူမျိုးတွေတော့ ကိုယ့်ကို ပြန်ပြန်မေးတာ ခဏခဏကြုံရဖူးပါတယ်။ အရင်ကဆိုရင် ချင်းလူမျိုးတွေနဲ့ ကျွန်တော်မကြာခဏ အင်တာနက်ဆိုင်မှာ ဆုံဖြစ်တယ်။ သူတို့က အင်တာနက်မှာ အီးမေလ်းပို့တာ၊ သတင်းဖတ်တာတွေလုပ်ကြတယ်။ တချို့သတင်းတွေဖတ်ရင်း သူတို့နားမလည်လို့ ဒီစာရဲ့အဓိပ္ပါယ်က ဘာကိုဆိုလိုတာလဲဆိုပြီး ကျွန်တော့်ကို လာလာမေးတာ ကိုယ်တွေ့ပါ။ ချင်းလူမျိုးတင်မကပါဘူး။ ဒီရောက်မှ မြန်မာပြည်ကနေ အလုပ်ရှာထွက်လာတဲ့ တိုင်းရင်းသားလူမျိုးစုံအောင် တွေ့ကြုံဆက်ဆံရဖူးပါတယ်။ သူတို့နဲ့ ဆက်ဆံတဲ့အခါမှာ မြန်မာစကားကိုပဲ သုံးစွဲကြတော့ တချို့စကားဝဲဝဲနဲ့ပြောတာ မနဲကိုနားထောင်ယူရတယ်။ စကားဝဲသလို စာဖတ်တာ၊ နားလည်တာချင်းလည်း ကွဲလွဲပြန်ပါသေးတယ်။

နောက်ပြီးတချို့တွေက ရယ်စရာဟသလိုမျိုး၊ အချစ်ဝထ္ထုဆန်ဆန်လိုမျိုးတွေကို ပိုပြီးတော့မှ နှစ်သက်စွာဖတ်ရှုလေ့ရှိတယ်။ ဒါကတစ်ပိုင်းပါ။ စီးပွားရေးအရဆိုရင်းလည်း မြန်မာပြည်မှာ အချစ်ဝထ္ထု၊ ဟာသ၊ ဂမ္ဘီရဝထ္ထုစတာတွေပဲ အောင်မြင်တာများပါတယ်။ စာဖတ်သူတစ်ဘဝလုံးအတွက် အကျိုးရှိသွားစေမယ့် ကြီးပွားချမ်းသာနည်း၊ လောကမှာ နေနည်းထိုင်နည်း၊ ဘဝအတွက် ဒဿနလမ်းညွှန်စတာမျိုးတွေ၊ အတွေးအမြင်ဗဟုသုတရစေမယ့် အသိပညာပေးစာပေမျိုးတွေ၊ နည်းပညာစာအုပ်တွေက ဈေးကွက်ထဲမှာ အထက်ကပြောတဲ့ ဝထ္ထုတွေလောက် မထိုးဖောက်နိုင်ပါဘူး။ ဒါဟာ လူ့သဘောသဘာဝ လူတို့ဆန္ဒကဘာလဲဆို အတိုင်းသား မြင်တွေ့နေရတာပါပဲ။ စာပေကို ငွေကြေးနဲ့ တန်ဖိုးဖြတ်ပြီးပြောတာမဟုတ်ပါဘူး။ စာရေးသူတစ်ယောက်ဟာ ရေးတဲ့အခါမှာ ငွေကြေးဆိုတာထက် သူတို့အရေးကို အလေးထားပြီးတော့ စေတနာဗရပွနဲ့ ရေးလေ့ရှိတတ်ကြတာချည်းပါပဲ။ ဒါပေမယ့် ငွေ(၁၀၀၀ိ/-)လောက်ပေးပြီး တစ်ဘဝလုံးအတွက် အကျိုးရှိမယ့်စာအုပ်ကို ဝယ်ဖတ်ဖို့ကျတော့ နှမြောတွန့်တိုနေတတ်ကြပြီး သောင်းဂဏန်းလောက် လောင်းကြေးထပ်ပြီး မရေရာတဲ့ လောင်းကစားလိုဟာမျိုးတွေကို လူတချို့ သိသိကြီးနဲ့ ဥပေက္ခာပြုပြီး လုပ်နေကြတာ အံသြမိပါတယ်။ စာအုပ်စာပေလူ့မိတ်ဆွေဆိုတဲ့ ဝေါဟာရရဲ့ တန်ဘိုးကို ကိုယ်တိုင်သဘောပေါက် နားလည်ခဲ့ရတဲ့နောက်ပိုင်းမှာ စာအုပ်တွေ လမ်းမှာတွေ့တွေ့၊ ဈေးမှာတွေ့တွေ့၊ ခရီးသွားရင်းဖြစ်စေ ဘူတာရုံမှာ၊ ကားဂိတ်မှာဖြစ်ဖြစ်တွေ့ရင် ရှိစုမယ့်စု ငွေလေးတွေနဲ့ ဝယ်ဖတ်ဖြစ်ခဲ့တာပါပဲ။ ဒီလိုဝယ်ဖတ်ချိန်တုန်းကတော့ နဘေးနားက ပါလာသူတချို့က မင်းကလည်းကွာ စာအုပ်တွေ ဝယ်ပြီးဘာလုပ်မှာလဲ ဝါးစားလို့ရလား။ အလကားသတ်သတ်ကွာ ကိုယ်လည်း လိုက်လုပ်နိုင်တာမဟုတ်ဘဲနဲ့ ဘာလဲမင်းက အဲဒါတွေထဲကအတိုင်း လိုက်လုပ်မလို့လား မင်းရူးသွားလိမ့်မယ် စသဖြင့် စိတ်ပျက်စွာဝေဖန်ပြောဆိုခံရတာတွေ မကြာခဏ ကြုံခဲ့ရဖူးပါတယ်။ အဲသည့်အချိန်က ကျွန်တော့်ရင်မှာထဲရှိတဲ့ စကားလုံးတွေကို သူတို့ရှေ့မှာ ထုတ်ပြနေလည်း အပိုမိုလို့ အသာငြိမ်ခံနေခဲ့ရပါတယ်။ စိတ်ထဲမှာ ကြုံးဝါးခဲ့တာကတော့ တစ်ချိန်ချိန်တော့ ခင်ဗျားတို့ သိလာမှာပါပေါ့လေ။ ထားပါအုံး ဒါတွေ ...။

ဆိုတော့ကာဖြင့် ယနေ့ခေတ်လူငယ်တွေအနေနဲ့ စာအုပ်ဆိုင်မှာ၊ အင်တာနက်ထဲမှာ အများဆုံး လေ့လာလိုက်စားနေကြတာက အပျော်တမ်းဖတ်စာ၊ အပျော်တမ်းဂိမ်းကစားခြင်း၊ အပျော်တမ်းရည်စားထားခြင်း၊ အပျော်တမ်းချက်တင်ထိုင်ခြင်း စတဲ့စတဲ့ အပျော်တမ်းဆိုတဲ့ ခေါင်းစဉ်တွေအောက်မှာတွေ့နေရတာပါပဲ။ ပျော်တာလည်းပျော်ပါ။ မတားလိုပါ။ တားပိုင်ခွင့်လည်းမရှိပါ။ သို့သော် တိုင်းပြည်နဲ့ လူမျိုးအတွက် နိုင်ငံအတွက် နောင်တစ်ချိန်မှာ ကျရာနေရာကနေ အသီးသီးနေရာယူ တာဝန်တွေကိုယ်စီကို ထမ်းဆောင်ကြမယ့် လူငယ်လူရွယ်တွေအတွက် ချင့်ချိန်စေလိုတာပါပဲ။ တိုင်းပြည်ကြီးဘယ်လောက်တိုးတက် သာယာဝပြောချင်ပါတယ်ပဲ ပြောနေနေ ကိုယ့်တိုင်းပြည်က ခေတ်လူငယ်တွေရဲ့ ပညာရေး၊ အသိပညာ၊ ဗဟုသုတတွေဟာ သူများတကာနိုင်ငံတွေထက် အများကြီးနောက်ကောက်ကျနေရင် နောင်လာမယ့် တိုင်းပြည်ရဲ့အနာဂါတ်ဟာလည်း ဒုံးရင်းဒုံးရင်းပဲဖြစ်နေဦးမှာလို့ ကျွန်တော်မြင်တယ်။

ဒီနေရာမှာ ခေတ်ပညာတတ် လူငယ်တချို့က ဒါဆို ...ကျုပ်တို့လည်း ခေတ်လူငယ်တွေပါ အခုပြောသလိုတော့ မဆိုးရွားသေးပါဘူး၊ ဒီလောက်တော့သိပါတယ် .. တတ်ပါတယ် ...ဘာရယ်ညာရယ်ဆိုပြီး ကိုယ်တစ်ယောက်တည်း တောရုံတတ်ရုံတင်ကို အဟုတ်ထင်မှတ်နေပြီး ဇောတကတွေ တက်ချင်တက်လိမ့်မယ်။ တစ်ကယ်တော့ ကိုယ့်တိုင်းပြည် ကိုယ့်လူမျိုးအတွက် ကြည့်ချင်ပါတယ်ဆိုရင် တစ်ယောက်တည်းတင် တော်တတ်ကောင်းမွန်ပြီး ထူးချွန်နေလို့မရပါဘူး။ တိုင်းပြည်အရေးကိစ္စမျိုးတွေမှာကျတော့ ငါမှငါတော် ငါပဲသိငါပဲတတ်ဆိုတဲ့ ကိုယ့်အတ္တ၊ ကိုယ့်မာနတွေကို ခဝါမချနိုင်သေးသရွေ့တော့ အဲသည့်ကိစ္စတွေမှာ ပါဝင်လုပ်ကိုင်လို့ ရရိုးထုံးစံလည်းမရှိပါဘူး။ ကိုယ့်တိုင်းပြည်တိုးတက်ဖို့ ကိစ္စတွေမှာဆိုရင် အများနဲ့ လိုက်လျောညီထွေမှုရှိတတ်ဖို့လိုပါတယ်။ တစ်ယောက်နဲ့တစ်ယောက် စည်းလုံးညီညွတ်မှုရှိဖို့လိုပါတယ်။

ဒါတွေပြောနေရတာကိုပဲ တချို့က စကားကြီးစကားကျယ်ပြောတာပဲလို့ ထင်ကောင်းထင်မြင်ကြလိမ့်မယ်။ လွတ်လပ်စွာကွဲလွဲခွင့်ရှိပါတယ်။ ကျွန်တော်က လက်ရှိတဒင်္ဂကိုမကြည့်ပါဘူး။ ရေရှည်ကိုမျှော်တွေးကြည့်ပါတယ်။ နောက်ပြီး ကိုယ်နဲ့မဆိုင်ဘဲ ဝင်ပြောနေရခြင်းမဟုတ်ပါ။ လူတစ်ယောက်ဟာ တိုင်းချစ်၊ ပြည်ချစ်၊ မျိုးချစ်စိတ်ဓါတ်တော့ အနည်းဆုံး ရှိသင့်တယ်လို့ ယူဆတယ်။ ကိုယ်နေထိုင်မယ့် ကိုယ့်တိုင်းပြည်အတွက်၊ ကိုယ့်မိသားစုရှိတဲ့တိုင်းပြည်၊ ကိုယ့်ဆွေမျိုးသားချင်း၊ ချစ်သောသူငယ်ချင်းများ၊ မိတ်ဆွေများရှိတဲ့တိုင်းပြည်မို့ ကိုယ်နဲ့ဆိုင်လို့ပြောရခြင်းပါ။ ကိုယ်နဲ့မဆိုင်ဘူးဆိုတဲ့ အယူအဆဟာ အင်မတန်မှ မှားယွင်းတဲ့ အယူအဆတစ်ခုဖြစ်တယ်ဆိုတာကို ဝေဖန်ထောက်ပြချင်ပါတယ်။

နောက်ပြီး တော်တယ်ဆိုတာတော့ဟုတ်ပါတယ်။ ကိုယ်ချည်းတော်နေ၊ တတ်နေရုံနဲ့မပြီးပါ။ ကိုယ်တော်သလို သူများတွေတော်အောင်၊ တတ်အောင် နားလည်လာအောင် ပြန်လည်သင်ပြပေးနိုင် လမ်းပြပေးနိုင်ပါမှ တိုင်းပြည်ရဲ့ အဖိုးထိုက်တန်တဲ့ လူတော်လူကောင်းလို့ သတ်မှတ်လို့ရနိုင်ပါတယ်။ ဒီနေရာမှာ စာရေးနေတဲ့ ကျွန်တော့်ကိုယ်ကျွန်တော် မထိန်ချန်ဘဲဝေဖန်ပြောဆိုရရင်တော့ တစ်ခါတစ်ရံမှာ လူကောင်းပေမယ့် တစ်ခါတစ်ရံမှာ လူကညံ့နေတတ်သေးပါတယ်။ ပြီးတော့ မကောင်းဘဲ တော်နေတဲ့ နေရာလိုဟာမျိုးတွေလည်း ရှိနေတတ်တာဆိုတော့ လူတော်လူကောင်း မဖြစ်သေးပါဘူး။ ဖြစ်ချင်လားလို့ မေးရင်တော့ ဖြစ်ချင်တာပေါ့။ လူတိုင်းလည်း ဒီလိုပဲ ဖြစ်ချင်ကြမှာပဲ။ ဒါပေမယ့် ဖြစ်အောင် ဘယ်လိုလုပ်ရမယ်ဆိုတာတော့ မကြိုးစားချင်ကြတော့တာ လူတိုင်းနီးပါးပါ။


လူကတော်ပေမယ့် စာရိတ္တပိုင်းဆိုင်ရာမှာ ညံ့ဖျင်းနေရင် လူကောင်းစာရင်းမဝင်ပြန်ပါဘူး။ လူကကိုယ်ကျင့်သိက္ခာကောင်းမွန်ပြီး ရိုးသားတဲ့ လူရိုးလူကောင်းတစ်ယောက်ဖြစ်နေပေမယ့်လည်း အသိပညာ၊ အတတ်ပညာ၊ ဗဟုသုတ မကြွယ်ဝရင် လူတော်တစ်ယောက်စာရင်း မဝင်နိုင်ပြန်ပါဘူး။ ဒါကြောင့် လူတော်တိုင်းလည်း မကောင်းပါ။ လူကောင်းတိုင်းလည်း မတော်တတ်ကြပါ။ လူတော်နဲ့လူကောင်း နှစ်မျိုးစလုံး ပြည့်စုံတာရှားပါတယ်။ ကျွန်တော်တို့ တိုင်းပြည်မှာလည်း သည်လို လူတော်လူကောင်းတွေ အများအပြား ပေါ်ထွန်းလာစေချင်တာ စိတ်စေတနာ အရင်းအမှန်နဲ့ပါပဲ။ ကိုယ်တတ်နိုင်သလောက်တော့ တစ်ဘက်တစ်လမ်းကနေ လူငယ်တွေအတွက် လမ်းညွှန်ပြသပေးချင်ပါတယ်။ ကိုယ်ကိုယ်တိုင်လည်း လူတော်လူကောင်းတစ်ယောက်ဖြစ်ဖို့ အားထုတ်လျက်ပါ ...။

(လက်ကျန်စကား ။ ဒီကနေ့ အင်တာနက်ဆိုင်မှာ ရောက်တုန်းရောက်ခိုက်မို့ ပိုစ့်နှစ်ပုဒ် ဆက်တိုက်တင်လိုက်ပါတယ်။ ပြန်ခါနီးမှာ အပြင်ကမိုးတွေရွာနေသေးတော့ မိုးရွာတာစောင့်ရင်း ရေးလက်စ draft saved လုပ်ထားတဲ့ ဂဘောက်တိဂဘောက်ချာကို ဆက်ပြီးတော့ အပြီးသတ်ရေးလိုက်မိတာနဲ့ တစ်ခါတည်း တင်ခဲ့ပါတယ်ခင်ဗျာ။ ဘလော့ဂ်တွေလည်ပြီး စာတွေဖတ်ဖို့အချိန်ထက် ကိုယ်ရေးချင်တဲ့ စာတွေရေးနိုင်ဖို့အချိန်ကို ဦးစားပေးရေးလိုက်ရတဲ့အတွက် အစ်ကိုအစ်မ၊ ညီညီမများကို နှုတ်မဆက်ဖြစ်တာ ခွင့်လွှတ်ပါ။ တချို့ဘလော့ဂ်တွေတော့ရောက်ဖြစ်ပါတယ်။)
မေတ္တာမွန်ဖြင့်
စံလင်းထွန်း

7 comments:

ကိုဇော် said...

အတွေးတူတယ်ဗျာ။
ဘာမဟုတ်တာတွေ ချက်တင် ၊ မဟုတ်တဲ့ ဆိုက် ၊ ပုံ ၊ ဇာတ်လမ်းတွေ ဖတ်နေမဲ့ အစား. . .
ကိုယ့်အတွက် တစ်ခုခု ရသွားနိုင်တဲ့ နေရာလေးတွေမှာ စာဖတ်စေချင်တယ်။
ရေးသူတွေကိုလည်း အရည်မရ ၊ အဖတ်မရတွေ မရေးစေချင်ဘူး။
ကျနော့် အတွေးပြောတာပါ။

မြတ်မွန် said...

ကိုစံလင်းထွန်း တင်ပြသွားတာ ကောင်းပါတယ်..။
ပစ္စည်းတစ်ခုကို တန်ဖိုးထားတက် တာချင်း မတူသလိုပေါ့။။ တန်ဖိုးကို နားလည်မှ တန်ဖိုးရှိမှန်းသိကြတာပါ..

ခက်ခက်ခဲခဲကြားမှ အင်တာနက် သုံးရတဲ့ ..
ကိုစံလင်း အဆင်ပြေပါစေနော်..။

အင်ကြင်းသန့် said...

စံလင်းရေ...စံလင်းရဲ့ အတွေးအခေါ် အသိတရားတွေက တန်ဖိုးရှိလှပါတယ်...လူငယ်တိုင်း အဲဒီလိုသာ အသိတရားတွေရှိကြရင်ဖြင့် ဘယ်လောက်ကောင်းမလဲ...ဒါပေမယ့်လည်းလေ...လူတိုင်းမှာ လွတ်လပ်စွာ ကွဲလွဲပိုင်ခွင့်ဆိုတာ ရှိတယ်ဆိုတာ အမှန်ပါပဲ...ကိုယ်ကိုယ်တိုင်တောင်မှ အမှားမကင်းနိုင်သေးတာဆိုတော့ ဘယ်သူ့ဘယ်သူကိုမှ အပြစ်တင် အပြစ်မြင်မနေချင်တော့ပါဘူး...စံလင်းရဲ့ ဒီအသိတရားတွေကို အမြဲထိန်းသိမ်းသွားနိုင်ပါစေ...

ခင်မင်စွာဖြင့်
မအင်ကြင်း

ရွှေနတ်သား said...

ဒီပိုစ့်လေးကိုတကယ်ကြိုက်မိတယ်ဗျာ..
အင်တာနက်ဆိုင်မှာတော်တော်များများကတော့
အဲဒီလိုအပျော်ခေါင်းစဉ်အောက်မှာကုန်ဆုံးနေတာတွေ့ ၇တာပါဘဲ....တစ်ချို့ ကျတော့လည်းတကယ်လေ့လာ..၇ှာဖွေနေကြတဲ့ သူတွေလည်း၇ှိပါတယ်...
အကိုပြောသလိုပါဘဲ...အနာဂတ်အတွက်နည်းနည်းလေးထည့်တွေးသင့်ကြတယ်လို့ ထင်ပါတယ်

စံလင်းထွန်း said...

ဟုတ်ကဲ့

ကိုဇော်၊ မမြတ်မွန်၊ မအင်ကြင်း၊ ရွှေနတ်သားတို့ ကွန်မင့်ခဲ့တာ ကျေးဇူးခင်ဗျ။

ကိုဇော်ရေ ... အတွေးချင်းတူတယ်ဆိုတဲ့အတွက် ဝမ်းသာရပါတယ်ဗျာ။ လာမန့်သွားတာကျေးဇူးပါ။

မမြတ်မွန်ရေ ... အမှန်ပါပဲဗျာ။

မအင်ကြင်းရေ ... ကျွန်တော်လည်း အခုထိ မှားနေတတ်တုန်းပါ။ အမှားနည်းအောင်တော့ကြိုးစားနေတာပေါ့။ အစ်မပြောသလိုပဲ တစ်သက်လုံး ဒီအသိတွေကို ထိန်းသိမ်းသွားချင်ပါတယ်။

ကိုရွှေနတ်သားရေ ... ပေါက်တယ်နော် ...ဟုတ်။

သည်ပိုစ့်ရေးတင်ပြီးမှ အလုပ်ထဲမှာ သေချာစဉ်းစားမိတာ တစ်ခုရှိသေးတယ်။

အဲဒါက အချစ်ဝထ္ထု၊ ဟာသ၊ ရသစာပေအကြောင်းရေးမိလိုက်တာပါ။ အဲဒါတွေကို မကောင်းဘူး၊ မဖတ်နဲ့လို့ ကျွန်တော်ဆိုလိုခြင်းမဟုတ်ကြောင်း ကြိုင်တင်ဝန်ခံပါရစေ။ ကျွန်တော်ကိုယ်တိုင်လည်း အရေးသင်စမို့ တစ်ခါတစ်လေ ဒါတွေကိုရေးချင်ရေးမိမှာပါ။ ရေးလည်းရေးခဲ့ဖူးပါတယ်။

အချစ်ဆိုတာက လူတွေကို ချစ်ခြင်းမေတ္တာနဲ့ ကြင်နာတတ်စေပြီး လောကကြီးကို အေးချမ်းနိုင်စေပါတယ်လေ။ ဒါကြောင့် အချစ်ဝထ္ထုတွေလည်း ရှိကိုရှိနေရမှာပါ။ မကြိုက်ဟုဆိုလိုခဲ့ခြင်းမဟုတ်ပါ။ လူငယ်တွေအတွက်ကောင်းဖို့ ရွယ်ရွယ်ရေးသားရင်း ဒါလေးပါသွားရခြင်းပါ။

လူတွေရဲ့စိတ်အညစ်အနွမ်းတွေ၊ မပျော်ရွှင်ခြင်းတွေကိုလည်း ဟာသတွေထဲမှာ နှစ်မျှောပြီးပျော်ရွှင်မှုတွေပေးနိုင်ပါတယ်။ ရယ်သောသူသည် အသက်ရှည်သည်လို့တောင် ဆိုရိုးစကားရှိသေးတာပဲ။ ဟာသတွေလည်း ရေးသင့်ပါတယ်။

ရသစာပေဆိုတာ အင်မတန်ခက်ခဲတဲ့ အနုပညာဖန်တီးမှုတစ်ရပ်ပါ။ လူတွေကိုရသစုံပေးရတာခက်ပါတယ်ခင်ဗျာ။ အားပေးပါတယ်။

ပြီးတော့ တလွဲတွေးမိသွားကြမှာစိုလို့ပါ။
အထက်ကလိုမျိုး စာရေးဖော်ရေးဖက်တွေကိုလည်း အရမ်းအားနာနေမိပါတယ်။

တစ်ကယ်တော့ ဒီပိုစ့်ရဲ့ အဓိဆိုလိုရင်းကတခြားပါ။ တိုက်ဆိုင်လို့ တစ်ဘက်သားအတွက် ထိခိုက်နစ်နာစရာတွေပါသွားရင် ကျွန်တော့်ရဲ့ မလိမ္မာမကျွမ်းကျင်မှုကို ခွင့်လွှတ်နိုင်ကြပါစေလို့ ...။

အားလုံးကိုခင်မင်လေးစားတဲ့
စံလင်းထွန်း

မြန်မာပြည်ကိုလွမ်းတယ် said...

ဂဘောက်တိဂဘောက်ချာဆိုလို့စိတ်သိပ်မပါပဲ
ဖတ်လိုက်မိတာဆောရီးပဲ..သိပ်ကိုကောင်းတဲ့
အကျိုးပြုစာလေးပါ..ဒီလိုတစ်ခါမှမစဉ်းစားမိ
သေးဘူး..သူများရေးသမျှလိုက်ဖတ်နေမိတာ
ပါပဲ..ခုလိုအကျိုးရှိတဲ့စာလေးတွေလဲဖတ်ခွင့်
ရသလို..ခံစားချက်လေးတွေ..ဗဟုသုတတွေ
လဲဖတ်ခွင့်ရပါတယ်..ပန်းခင်းကြီးထဲရောက်နေ
ရသလိုပဲ..ကိုယ်ကြိုက်တဲ့ပန်းလေးတစ်ပွင့်ကို
ရွေးကြတာပေါ့ကိုစံလင်းရယ်...။

အိမ့်ချမ်းမြေ့ said...

ဒီစာကို မလေး ဆိုက်ဒ်မှ တဆင့် ဝေမျှခွင့်ပြုပါ